لاہور (آئی این پی) سابق وزیراعظم سید یوسف رضا گیلانی نے کہا ہے کہ میرے خلاف کرپشن کے ثبوت ڈھونڈنے والے اندھیرے میں کالی بلی پکڑنے کی کوشش کر رہے ہیں‘ میرا دامن صاف ہے ۔بطور وزیراعظم رولز اور آئین کے تحت تقرریاں کیں سازشیں کرنیوالوں کو مایوسی ہو گی۔ نجی ٹی وی کے مطابق سید یوسف رضا گیلانی نے اوگرا سمیت دیگر معاملات میں کرپشن اور غیر آئینی اقدامات کے الزامات کو مکمل طور پر مسترد کر دیا ہے۔