لاہور (سپورٹس رپورٹر) ریلوے لیڈی گریفن کالج کے زیراہتمام تیسرے سالانہ کھیلوں کے مقابلے ہوئے جس میں ریلوے کالجوں کی بڑی تعداد میں طالبات نے شرکت کی۔ کرکٹ، ٹیبل ٹینس سنگل، ٹیبل ٹینس ڈبل، بیڈمنٹن سنگل، بیڈمنٹن ڈبل، ہینڈبال، سیک ریس، 100 میٹر ریس، چاٹی ریس، ایپل ریس، اولڈ سٹوڈنٹس ریس، ٹیچرز ریس اور رسہ کشی کے مقابلے ہوئے۔ لیڈی گریفن کالج نے مجموعی طور پر 92 پوائنٹس حاصل کرکے تیسری مرتبہ ٹرافی جیت کر ہیٹ ٹرک کر لی۔ مغلپورہ کالج نے 60 پوائنٹس کے ساتھ دوسری اور سینٹ انڈریوز کالج نے 31 پوائنٹس حاصل کرکے تیسری پوزیشن حاصل کی۔ اس موقع پر جنرل منیجر ریلوے، صدر ریلوے سپورٹس بورڈ نثار اے گوندل اور ان کی اہلیہ مہمان خصوصی تھے۔