لاہور(سپورٹس رپورٹر) پاکستان پریمیئر فٹبال لیگ میں مزید دو میچوں کا فیصلہ ہو گیا۔ کے ای ایس سی اور پی اے ایف نے اپنے اپنے میچز جیت لئے۔ پہلا میچ فیصل ٹاؤن گراؤنڈ میں کے ای ایس سی اور لائلپور فٹبال کلب کے درمیان کھیلا گیا جس میں کے ای ایس سی نے دو صفر سے کامیابی اپنے نام کی۔ فاتح ٹیم کی جانب سے محمد رسول اور محمد یعقوب نے ایک ایک گول کیا۔ دوسرا میچ پی اے ایف اور مسلم فٹبال کلب کے درمیان کھیلا گیا۔ جس میں پی اے ایف نے تین ایک سے کامیابی حاصل کی۔ پی اے ایف کی جانب سے منصور خان نے دو جبکہ محمد مجاہد نے ایک گول سکور کیا۔