کراچی (خصوصی رپورٹ) ممکنہ آپریشن کے پیش نظر شمالی وزیرستان سے مقامی لوگوں کی نقل مکانی کا سلسلہ دشوار گزار راستوں سے جاری ہے۔ بنوں، میرانشاہ روڈ بند کر دیا گیا۔ کاروباری مرکز میر علی بازار میں بند پڑا ہے۔ محمد خیل، حیدر خیل، ہرمز اور مکئی انخلا کے حوالے سے سرفہرست ہیں۔ پروفیسر ابراہیم نے کہا بمباری سے پہلے صوبائی انتظامیہ کو بھی اطلاع نہیں دی گئی۔ ذرائع کا کہنا ہے شمالی وزیرستان میں زمینی کارروائی بھی کی جاسکتی ہے۔ بمباری کے بعد میر علی میں موجود ٹی ٹی پی کے رہنمائوں نے ٹھکانے بدل لئے۔