دبئی (آئی این پی) اگر آپ قرآن کریم میں بیان کئے گئے تمام درختوں اور پودوں کو دیکھنا چاہتے ہیں تو پھر اس کیلئے دبئی کا رْخ کریں جہاں مقامی انتظامیہ ایک ایسا وسیع پارک تعمیر کر رہی ہے جس میں قرآن کریم میں بیان کئے گئے 54 میں سے 51 درختوں اور پودوں کو لگایا جائیگا۔ دبئی کے پروجیکٹ ڈیپارٹمنٹ کے ڈائریکٹر جنرل  محمد نور مشروم  نے کہا قرآن مجید میں 54 درختوں اور پودوں کا ذکر کیا گیا ہے جن میں انار، زیتون، تربوز، کیلے، گندم ، پیاز ، املی، انگور، نیاز بو ،کددو  اور دیگر شامل ہیں،  158 ایکٹر وسیع رقبے پر مشتمل پارک میں اب تک 31 درختوں اور پودوں کو لگایا جا چکا ہے جبکہ بقیہ 20 کو تیسرے مرحلے میں لگایا جائے گا۔ بیان کئے گئے 3 پودے اس وقت دنیا میں کہیں بھی موجود نہیں۔