گوجرانوالہ: سنٹرل جیل میں سرچ آپریشن قیدیوں سے موبائل فون‘ منشیات برآمد
گوجرانوالہ (نمائندہ خصوصی) سنٹرل جیل گوجرانوالہ میں ڈپٹی سپرنٹنڈنٹ جیل شبریز حسن کی نگرانی میں سرچ آپریشن کیا گیا جس کے دوران عاصم‘ ذوالفقار‘ فہد اکبر سے موبائل فونز جبکہ زبیر‘ اکبر‘ اصغر‘ وقاص‘ شہاب سے چرس‘ افیون‘ ہیروئن برآمد ہوئی جن کے خلاف علاقائی تھانہ میں کارروائی کیلئے درخواست دیدی گئی ہے۔ جیل ذرائع کے مطابق جیل کے اندر منشیات‘ موبائل فونز جیل کے بعض اہلکاروں کی مبینہ ملی بھگت کی وجہ سے آتے ہیں جن کی نشاندہی اور گرفتاری کیلئے بھی آپریشن متوقع ہے۔
