کشمور (نوائے وقت رپورٹ) جمہوری وطن پارٹی کے رہنما شاہ زین بگٹی نے کہا ہے کہ انہوں نے ڈیرہ بگٹی جانے کیلئے حکمت عملی تیار کر لی ہے اور آج صبح دس بجے بگٹی مہاجرین کا قافلہ ڈیرہ بگٹی کیلئے روانہ ہو جائے گا، صحافیوں سے گفتگو کرتے ہوئے انہوں نے کہا کہ ہم امید کرتے ہیں کہ بلوچستان کی حکومت اور ضلعی انتظامیہ ہائیکورٹ کے حکم پر عمل کرے گی اور قافلے کی روانگی اور ڈیرہ بگٹی تک پہنچنے میں کوئی رکاوٹ نہیں ڈالی جائیگی۔