لاہور (پ ر) ہیپا ٹائٹس ایڈوائزری سینٹر کی پروگرام منیجر ڈاکٹر نیلم صدیقی نے خادم اعلیٰ پنجاب سے درخواست کی ہے کہ جس طرح صوبہ بھر میں ڈائیلسز کے مریضوں کے لئے مفت انتظام کیا گیا ہے اُسی طرح ہیپاٹائٹس کے تمام ٹیسٹ بشمول پی سی آر ٹیسٹ تمام سرکاری ہسپتالوں میں بالکل مفت کئے جائیں کیونکہ ہیپاٹائٹس کے 80 فیصد مریض صرف اس وجہ سے سرکاری ہسپتالوں میں موجود مفت ہیپاٹائٹس ویکسین سے فائدہ نہیں اُٹھا سکتے کہ وہ پی سی آر ٹیسٹ نہیں کروا سکتے۔