پشاور(اے پی اے)خیبر پی کے پولیس نے صوبے میں جاری سرچ اینڈ سٹرائیک آپریشن کے دوران مختلف کارروائیوں میں24اشتہاری اور50مشتبہ افراد کو گرفتار کرکے ان سے بھاری مقدار میں اسلحہ و ہتھیار برآمد کر لیا۔صوبے کے مختلف حصوں میں پچھلے 24گھنٹوں کے دوران آپریشن میں اسلحہ کی مد میں 28عدد پستول، 6 عدد کلاشنکوف،7 عدد رائفل شاٹ گن اور 948 عدد کارتوس برآمد ہوئے جبکہ منشیات کی مد میں 2کلو گرام چرس برآمد کئے گئے۔