ہنگو، مسلح افراد نے ڈاکٹر کو 5 ساتھیوں سمیت اغوا کر لیا
ہنگو (آن لائن) ہنگو کے علاقے بلیامنہ روڈ سے مسلح اغواء کاروں نے 6 افراد کو اغواء کر لیا۔ تفصیلات کے مطابق بلیامینہ کے رہائشی شفیق ذاکٹر شاہ جی عثمان محبوب اور ان کے ڈرائیور ہنگو جا رہے تھے کہ کچہ پکہ کے قریب مسلح اغواء کاروں نے گاڑی کو روک کر تمام افراد کو گاڑی سمیت اغواء کر کے نامعلوم مقام پر منتقل کر دیا۔ اغواء کی خبر سن کر علاقے کے لوگوں نے اغواء کاروں کا پیچھا کیا اور ہوائی فائرنگ کی لیکن اغواء کار علاقے سے دور جا چکے تھے پولیس نے گاڑی برآمد کر کے اغواء کاروں کیخلاف رپورٹ درج کر لی۔ دریں اثناء سوات کے علاقے منگلتان میں سرچ آپریشن کے دوران غار سے 25 راکٹ لانچر کے گولے برآمد کر لئے گئے، گولے دو بوریوں میں بند کر کے غار میں چھپائے گئے تھے سکیورٹی فورسز نے قبضے میں لے لئے جس کے بعد بم ڈسپوزل سکواڈ کو طلب کر لیا گیا۔ سکیورٹی ذرائع کا کہنا ہے کہ ان گولوں کو ناکارہ بنا دیا گیا۔
