چمن: کرومائٹ کی کان گرنے سے 5کان کن جاں بحق، متعدد زخمی
چمن + جعفر آباد (آئی این پی+ ثنا نیوز) چمن کے علاقے قلعہ سیف اللہ میں کرومائیٹ کی کان گرنے سے 5 کان کن جاں بحق اور متعدد زخمی ہو گئے، زخمیوں کو قریبی ہسپتال منتقل کر دیا گیا۔ لیویز حکام کے مطابق مزدور کرومائیٹ کی کان میں کام کر رہے تھے کہ اچانک کان گر گئی۔ جاں بحق ہو نے والے کان کنوں کا تعلق مسلم باغ اور قلعہ سیف اللہ سے ہے۔ ادھر جعفر آباد اور صحبت پور کے علاقہ بھنڈ میں نامعلوم شرپسندوں نے 12 انچ قطر کی گیس پائپ لائن کو دھماکہ خیز مواد سے اڑا دیا۔ دھماکہ کے بعد جعفر آباد اور صحبت پور کے کئی علاقوں کو گیس سپلائی معطل ہو گئی ہے۔ دھماکے کے بعد گیس پلانٹ سے گیس پائپ لائن کو گیس کی سپلائی بند کر دی گئی۔
