قصور (نامہ نگار)  حبیب آباد پتوکی میں بھائیوں کی ڈانٹ ڈپٹ سے دلبرداشتہ چھوٹے بھائی نے اپنی ہی بندوق سے خود کو گولی مار کر اپنی زندگی کا خاتمہ کر لیا۔ سرور، اکرم اور اسلم تینوں سگے بھائی ہیں جو گزشتہ روز معمولی بات پر آپس میں جھگڑ پڑے جس پر اکرم اور اسلم نے جب اپنے چھوٹے بھائی سرور کی ڈانٹ ڈپٹ کی تو اس نے خود کو گولی مار کر اپنی زندگی کا خاتمہ کر لیا۔ پتوکی پولیس نے ضابطے کی کارروائی کرکے نعش ورثاء کے حوالے کر دی ہے۔