انڈر 19 ورلڈکپ جیت کر قوم کو نئے سال کا تحفہ دیں گے:سمیع اسلم
اسلام آباد (اے پی پی) قومی انڈر 19 ٹیم کے قائد سمیع اسلم نے کہا کہ آئی سی سی انڈر 19 ورلڈکپ جیتنے کیلئے کھلاڑیوں کو صلاحیتوں سے بڑھ کر کارکردگی دکھانا ہو گی، متحدہ عرب امارات کی کنڈیشنز ہمارے کھلاڑیوں کیلئے دونوں شعبوں کیلئے موزوں ہیں اسلئے کھلاڑی ٹائٹل جیتنے کیلئے بے تاب ہیں۔ میگا ایونٹ کا آغاز 14 فروری سے متحدہ عرب امارات میں ہو گا۔ گروپ میں بھارت اور سکاٹ لینڈ کی ٹیمیں ٹف ٹائم دیں گی، پاپوا نیو گنی کی ٹیم بھی فارم میں دکھائی دے رہی ہے تاہم ٹیم کھلاڑی با صلاحیت اور تجربہ کار ہیں اور ٹورنامنٹ میں حریف ٹیموں کے خلاف بھرپور مقابلے کیلئے تیار ہیں۔
