چینی سفیر کا وزارت خارجہ کے صاحبزادہ یعقوب بلاک کا دورہدیوار چین کے ماڈل کا تحفہ پیش کیا
اسلام آباد ( آئی این پی ) پاکستان میں چین کے سفیر وائی ڈونگ نے گزشتہ روز وزارت خارجہ میں تعمیر ہونے والے نئے صاحبزادہ یعقوب خان بلاک کے دورہ میں دیوار چین کے ماڈل کا تحفہ پیش کیا۔ چین کے سفیر کے اعزاز میں ہونے والی پروقار تقریب سے خطاب کرتے ہوئے وزیراعظم کے خصوصی معاون طارق فاطمی نے کہا پاک چین دوستی طویل عرصہ سے آزمودہ اور عوامی رابطوں کی بہترین مثال ہے۔ چین کے سفیر وزارت خارجہ پہنچے تو سیکرٹری خارجہ اعزاز احمد چوہدری اور سینئر اعلی حکام نے استقبال کیا۔
