ایتھنز(این این آئی)یونان کے جزیرہ لس بوس میں قیمتی گاڑیاں چوری کرنیوالے ایک پاکستانی سمیت چارافرادکو گرفتاررلیاگیا،غیرملکی خبررساں ادارے کے مطابق چوری کرنے والا گروہ قیمتی گاڑیوں کوچوری کرکے ان کے جعلی کاغذات بنا کراوران کے انجن نمبر وغیرہ تبدیل کرکے آگے فروخت کرتے تھے۔،گاڑیاں چوری کرنے والے گینگ کاسربراہ ایک چالیس سالہ یونانی ہے جس کے ساتھیوں میں ایک پاکستانی بھی شامل ہے ،پولیس کے مطابق گاڑیوں کویونان سے باہر دیگر ممالک میں بھی فروخت کیلئے لے جایا جاتاتھا،پولیس نے چاروں افرادکو گرفتارکرکے تفتیش شروع کردی۔