لاہور (این این آئی) پیپلز پارٹی کے رہنما وسابق قائد حزب اختلاف پنجاب اسمبلی راجہ ریاض احمد نے کہا ہے کہ مسلم لیگ (ن) کی قیادت نے عابد شیر علی کو لگا م نہ ڈالی تو پیپلز پارٹی والے ایسا کرنا جانتے ہیں۔ عابد شیر علی پاکستان کا سب سے بڑا بجلی چور ہے، رانا ثناء اللہ خود کہہ چکے ہیں کہ عابد شیر علی اور اسکے والد کرپٹ ہیں، اگر وہ اس سے انکار کردیں تو میں معافی مانگ لوں گا۔انہوں نے کہا اڑھائی مرلے کے مکان میں رہنے والا آج اتنے بڑے محل کا مالک کیسے بن گیا؟ اسکا حساب دیا جائے۔