لاہور (سپورٹس  رپورٹر) پاکستان کرکٹ بورڈ کے زیر اہتمام قومی ٹی ٹونٹی ٹورنامنٹ میں فیصل آباد وولوز  اور کراچی ڈولفنز نے اپنے اپنے میچ جیت لئے۔ اسلام آباد لیپرڈز سیالکوٹ سٹالینز، کراچی ڈولفنز نے بھی کوارٹر فائنل کے لئے کوالیفائی کرلیا۔ لاہور ایگلز نے پہلے کھیلتے ہوئے 8 وکٹوں کے نقصان پر 93 رنز بنائے۔ کامران اکمل 30 رنز بناکر نمایاں رہے۔ 8 کھلاڑی ڈبل فگر میں بھی داخل نہ ہوسکے۔ سعید اجمل نے 3، اسد علی اور خرم شہزاد نے دو دو وکٹیں حاصل کیں۔ جواب میں فیصل آباد وولوز نے ہدف 13.4 اوورز میں 2 وکٹوں پر پورا کرلیا۔ علی وقاص 31 رن بناکر ناٹ آئوٹ رہے۔ سعید اجمل کو میچ کا بہترین کھلاڑی قرار دیا گیا۔ سیالکوٹ سٹالینز کی ٹیم 19.4 اوورز میں 91 رنز بناکر آئوٹ ہوگئی۔ 8 کھلاڑی ڈبل فکر میں بھی داخل نہ ہوسکے۔ عبدالامیر نے 4 اور فواد عالم نے 3 وکٹیں حاصل کیں۔ کراچی ڈولفنز نے  ہدف 4 وکٹوں پر پورا کرلیا۔ فواد عالم کو میچ کا بہترین کھلاڑی قرار دیا گیا۔