بچیکی (نامہ نگار) معمولی تلخ کلامی پر فائرنگ سے 2 افراد جاں بحق 6 زخمی ہو گئے۔ فائرنگ کر کے بھاگنے والے 2 افراد گرفتار تھانہ بڑا گھر پولیس نے 3  سگے بھائیوں سمیت 4 نامزد اور چار نامعلوم افراد کے خلف مقدمہ درج کر لیا۔ نواحی گائوں قلعہ روپ سنگھ کا زمیندار محمد الیاس اپنے ٹریکٹر ٹرالی پر گنا لاد کر جا رہا تھا کہ ڈیمونوالہ کے قریب وہ گزرنے والے رکشہ سے ٹکرا گیا جس کے بعد دونوں میں تلخ کلامی ہوئی جس کے بعد رکشہ میں سوار افراد نے فائرنگ کر دی جس کی زد میں آکر 20 سالہ اسد موقع پر جاں بحق ہو گیا جبکہ مقبول احمد ہسپتال میں دم توڑ گیا تھا۔ سخاوت علی، ملک عارف، ملک کاشف، ملک خلیل اور ملک الیاس زخمی ہو گئے۔ پولیس تھانہ بڑا گھر نے جاں بحق ہونے والے مقبول احمد نمبردار اور 20 سالہ اسدکے قتل کا مقدمہ مقتول مقبول احمد کے بھائی مقصود احمد کی مدعیت میں 3 سگے بھائیوں سرفراز احمد، محمد وسیم، محمد نواز، ان کے والد عبدالحمید اور 4 نامعلوم افراد کے خلاف درج کر لیا گیا جبکہ فائرنگ کر کے فرار ہونے والے دو ملزمان سرفراز احمد اور محمد وسیم کو گرفتار کر کے تفتیش شروع کر دی ہے۔