وزیرآباد: ویلنٹائن ڈے پر محبوبہ کا ملنے سے انکار، نوجوان نے دلبرداشتہ ہو کر خودکشی کر لی
وزیرآباد (نامہ نگار) ویلنٹائن ڈے پرمحبوبہ کے ملنے سے انکار پر 21 سالہ نوجوان نے زہریلی گولیاں کھا کر زندگی کا خاتمہ کر لیا۔ گارڈن کالونی وزیرآباد کا رہائشی 21 سالہ محمد اویس اسی محلے کی لڑکی کو پسند کرتا تھا گزشتہ روز ویلنٹائن ڈے کے موقع پر اپنی محبوبہ سے ملنے کی خواہش کا اظہار کیا جس کے رد ہونے پر نوجوان نے دلبرداشتہ ہو کر گندم میں رکھنے والی زہریلی گولیاں نگل لیں۔ تشویشناک حالت کے پیش نظر ہسپتال لے جایا گیا مگر طبی امداد ملنے کے باوجود جان کی بازی ہار گیا۔
