لاہور(سپورٹس رپورٹر) چھٹی نیشنل سینئر ویمن جوڈو چیمپئن شپ پاکستان واپڈا نے جیت لی۔ پاکستان آرمی کی فوزیہ چیمپیئن شپ کی بہترین جوڈو کھلاڑی قرار پائیں۔ ریلوے برٹ ہال میں منعقد ہونے والی چیمپیئن شپ میں 11 ٹیموں نے حصہ لیا۔ جن میں سے پاکستان واپڈا نے 90 پوائنٹس کے ساتھ ٹرافی اپنے نام کی۔ پاکستان آرمی 75 پوائنٹس کے ساتھ دوسرے اور ہائر ایجوکیشن کمیشن نے 46 پوائنٹس حاصل کر کے تیسری پوزیشن حاصل کی۔ مقابلوں کے اختتام پر مہمانِ خصوصی صدر پاکستان جوڈو فیڈریشن کرنل رانا شجاعت علی نے جیتنے والی ٹیموں کو میڈل پہنائے اور ٹرافیاں دیں۔