سینڈیاگو، اسلام آبا د(ثناء نیوز+ اے پی پی)پاکستان نے ڈیوس کپ میں دوسرے مرحلے کے لیے کوالیفائی کرلیا۔ بیسٹ آف فائیو گیمز میں قومی ٹیم کو تین ایک سے فیصلہ کن برتری مل گئی۔ ایشیا اوشیانہ ڈیوس کپ ٹائی میں پاکستان نے ویتنام کے چھکے چھڑا دیئے، بیسٹ آف گیمز کے چوتھے دن ریورس سنگلز میں عقیل خان نے ویتنامی حریف کو آٹ کلاس کردیا۔ چھ دو ، چھ چار اور چھ تین سے فتح اپنے نام کرلی۔ دوسرے مرحلے میں پاکستان کا مقابلہ فلپائن سے ہوگا۔پاکستان ٹینس فیڈریشن کے سیکرٹری ممتاز یوسف نے کہا ہے کہ ویتنام کے خلاف ڈیوس کپ ٹائی میں کامیابی حاصل کرنا پاکستان کیلئے اعزاز کی بات ہے، آئندہ ٹائی میں بھی قومی کھلاڑی شاندار کارکردگی کا مظاہرہ کر کے جیت کے تسلسل کو جاری رکھیں گے۔