کراچی (این این آئی) پیپلز پارٹی کے چیئرمین بلاول بھٹو زرداری دبئی روانہ ہو گئے ہیں۔ ذرائع کا کہنا ہے وہ کچھ عرصہ دبئی میں قیام کے بعد واپس آئیں گے اور بھرپور انداز میں پارٹی سرگرمیاں جاری رکھیں گے۔ مزید برآں سماجی رابطوں کی ویب سائٹ ٹوئٹر پر تازہ ٹوئٹ میں کہا ہے سابق صدر پرویز مشرف کا عدالت میں پیش ہونا مثبت اقدام ہے۔ پرویز مشرف کو یہ محسوس ہوا ہو گا اس طرح کے حالات کا سامنا کرنے میں ہی بڑائی اور عزت ہے۔ دریں اثنا آصفہ بھٹو زرداری نے اپنے ٹوئٹ میں کہا ہے مشرف عدالت میں پیش ہو گئے ہیں اب مجھے ان کی صحت کی فکر ہے۔ انہوں نے کہا سابق صدر پرویز مشرف کی عدالت میں پیشی کے بعد اب ان کی صحت جانچنے کے لئے ایک نیا میڈیکل بورڈ تشکیل دیا جائے۔