سکردو ایئرپورٹ پر مسافر سردی سے ٹھٹھر کر جاں بحق
سکردو (آئی این پی) سکردو ایئرپورٹ پر سردی سے ٹھٹھر کر ایک مسافر جاں بحق ہوگیا۔ گزشتہ روز سکردو ایئرپورٹ کے لائونج میں پی آئی اے کی پرواز کے انتظار میں ایک شخص سردی لگنے سے دم توڑ گیا۔ مسافروں کی بڑی تعداد نے ایئرپورٹ انتظامیہ کی جانب سے سہولیات کی عدم فراہمی اور سردی کے باعث مسافر کی ہلاکت کے خلاف احتجاج کیا۔ مسافروں نے وزیراعلیٰ گلگت بلتستان اور پی آئی اے کے اعلیٰ حکام سے واقعہ کا نوٹس لیکر کارروائی کرنے اور مسافروں کو سہولتوں کی فراہمی کا مطالبہ کیا ہے۔
