کوہاٹ (بی بی سی) کوہاٹ میں قومی امام بارگاہ کے متولی کو نامعلوم افراد نے سر میں گولی مار کر ہلاک کر دیا۔ تھانہ صدر کے ایس ایچ او اقبال خان نے بتایا کہ جمعہ کی صبح نامعلوم افراد نے متولی شیر محمد طوری کو گولی مار کر ہلاک کردیا۔ شیر محمد طوری کو گھڑی مواز خان چوک میں اس وقت نشانہ بنایا گیا جب وہ کچہری جا رہے تھے۔ مقتول کا تعلق کرم ایجنسی کے علاقے پاڑہ چنار سے تھا۔ خیال رہے کہ کوہاٹ اور اس کے متصل ضلع ہنگو کو شیعہ سنی کشیدگی کے سلسلے میں حساس علاقہ تصور کیا جاتا ہے۔