کراچی (نوائے وقت رپورٹ) کراچی میں سیاسی اور مذہبی جماعتوں کے رہنمائوں نے پاک فوج سے اظہار یکجہتی کیلئے مزار قائد پر حاضری دی اور شہر میں قیام امن کیلئے ملکر کام کرنے کا عزم ظاہر کیا۔ مسلم لیگ (ن) کے زیراہتمام آل پارٹیز اظہارِ عہد اور یکجہتی کے بینر تلے سیاسی و مذہبی جماعتوں کے رہنمائوں نے مزار قائد پر علامتی زنجیر بنا کر کراچی میں امن کے قیام اور دہشت گردی کے خاتمے کا عہد کیا۔ رہنمائوں نے مزار قائد پر پھول چڑھائے اور فاتحہ پڑھی۔ رہنمائوں نے کہا کہ دہشت گردی کے خاتمے کیلئے پاک فوج کے ساتھ کھڑے ہیں۔رہنمائوں میں نہال ہاشمی،  خواجہ اظہار الحق،  محمد حسین محنتی،  تاج حیدر، سنی  شاہد غوری،  خرم شیر زمان،  حافظ رحمت علی شامل تھے۔