کراچی (این این آئی) سندھ کی اہم سیاسی جماعتوں نے ایک تقریب میں اپنی اپنی جماعت کی سکولوں کی حالت بہتر کرنے کی حکمتِ عملی پیش کی،اس موقع پر سندھ کے بچوں کومعیاری تعلیم کی فراہمی کے سلسلے میں ایک میثاق پر بھی دستخط کئے گئے۔میثاق پر پیپلز پارٹی،تحریک انصاف، مسلم لیگ فنکشنل، مسلم لیگ(ن)،جماعت اسلامی،جیے سندھ قومی محاذ، سندھ یونائٹیڈ پارٹی، عوامی جمہوری پارٹی اور متحدہ قومی موومنٹ نے دستخط کئے،اس موقع پرصوبائی وزیرتعلیم نثار احمد کھوڑو نے کہا کہ تمام سیاسی جماعتوں کا اپنے سیاسی اختلافات اور نظریات پسِ پشت ڈال کر تعلیم کے لیے اکٹھا ہونا بہت حوصلہ افزا بات ہے۔