لاہور( نامہ نگاران)  سیالکوٹ میں پتنگ بازی کے دوران ڈور بجلی کی تاروں سے چھو جانے سے پندرہ سالہ لڑکا جاں بحق  ہو گیا۔ تھانہ حاجی پورہ کے علاقہ تحصیل بازار میں حاجی اقبال کا پوتا پندرہ سالہ عثمان اپنے گھر کی چھت پر پتنگ بازی کر رہا تھا اچانک پتنگ کی ڈور بجلی کی تاروں سے چھو گئی جس کے نتیجہ میں وہ موقع پر ہی ہلاک ہو گیا۔ پولیس کا کہنا ہے وہ دھاتی ڈور سے پتنگ اڑا رہا تھا۔ علاوہ ازیں حجرہ شاہ مقیم میں    حکومت کی پابندی کے باوجود بسنت منائی گئی۔ رات بھر منچلے فائرنگ کرتے رہے، شہری خوفزدہ ہو گئے۔ بیہودہ گانوں کی آوازیں ساری رات آتی رہیں ڈی پی او کے حکم پر کریک ڈائون، پولیس کی دوڑیں، تھانہ حجرہ شاہ مقیم کا ایس ایچ او بے بس ہو گیا۔