ساہیوال (نامہ نگار) سات بچوں کی ماں نے اپنے خاوند کو قتل کر کے نعش صحن میں دبا دی۔ چک نمبر 96/9ایل میں ایک عورت ممتاز بی بی کا اکثر اپنے نشئی شوہر ریاض کے ساتھ جھگڑا رہتا اور ریاض اپنی بیوی کے ساتھ مار پیٹ کرتا۔ ایک ہفتہ قبل ممتاز بی بی نے اپنے خاوند کو سوتے میں ٹوکہ کا وار کر کے قتل کر دیا اور گھر کے صحن میں نعش دبا دی اور خود اُس کے غائب ہونے کا ڈرامہ رچایا۔ پولیس تھانہ یوسف والہ نے جب تفتیش کی تو اُس نے اعتراف جرم کر لیا۔ اور گھر کے صحن سے لاش برآمد کروا دی۔ پولیس نے نعش قبضہ میں لے کر پوسٹ مارٹم کے لئے بھجوا دی۔