کراچی (نوائے وقت رپورٹ) چیئرمین بحریہ ٹائون ملک ریاض نے بھارت کو شکست دینے پر قومی کرکٹ ٹیم کو مبارکباد دی ہے۔ نجی ٹی وی کے مطابق ملک ریاض نے پاکستان کی فتح میں اہم کردار ادا کرنے پر بوم بوم آفریدی کو کراچی میں ایک کنال کا پلاٹ دینے کا اعلان کیا ہے۔ صدر کراچی چیمبر آف کامرس عبداللہ ذکی نے بھی شاہد آفریدی کو گولڈ میڈل دینے کا اعلان کیا ہے۔ ساہیوال کی انجمن آڑھتیاں نے بھی شاہد آفریدی کو سونے کا تاج پہنانے کا اعلان کیا ہے۔ وفاقی وزیر عباس آفریدی نے بھی شاہد آفریدی کی شاندار کارکردگی پر 5لاکھ روپے انعام کا اعلان کیا ہے۔