چنیوٹ: قبرستان سے 2 ہینڈ گرنیڈ بم برآمد ناکارہ بنا دیئے گئے‘ علاقہ میں خوف و ہراس
چنیوٹ (نامہ نگار) چنیوٹ رجوعہ سادات کے نواح میں قبرستان سے دو ہینڈ گرنیڈ برآمد، بم ڈسپوزل عملہ اور پولیس نے ناکارہ بنا دیئے۔ علاقہ میں خوف و ہراس پھیل گیا۔ موضع دولت پور میں بچے والی بال کھیل رہے تھے گیند قبرستان کے ایک درخت سے ٹکرائی۔ بچے گیند اٹھانے گئے تو درخت کے نیچے دو ہینڈ گرنیڈ ساخت پاکستانی نمبر HE36 پڑے تھے اطلاع ضلعی وائرلیس کنٹرول پولیس کو دی گئی۔ تھانہ رجوعہ پولیس مختار احمد ایس آئی معہ نفری احمد حسن ایس آئی سپیشل برانچ ارشاد حسین‘ الطاف حسین‘ سٹی بم ڈسپوزل سکواڈ سعیداحمد‘ ایس آئی اور ڈی ایس پی سرکل چنیوٹ فوری موقع پر پہنچ گئے۔
