لاہور(سپورٹس رپورٹر) پنجاب یوتھ فیسٹیول میں انٹر ڈویژن گرلز کراٹے چیمپئن شپ کا ٹائٹل ملتان نے جیت لیا۔ لاہور اور فیصل آباد مشترکہ طور پر دوسری جبکہ سرگودھا تیسرے نمبر پر رہا۔  48 کلو گرام کیٹگری میں فیصل آباد کی سمعیہ منیر نے کامیابی حاصل کی۔ ملتان کی رفعت دوسرے اور سرگودھا کی رخسانہ اور گوجرانوالہ کی سدرہ سعید نے مشترکہ طور پر تیسری پوزیشن حاصل کی۔ 52 کلو گرام کیٹگری کا مقابلہ ملتان کی مصباح کے نام رہا۔ لاہور کی مہوش دلشاد دوسرے جبکہ گوجرانوالہ کی شاکرہ اور سرگودھا کی عمیرہ تیسرے نمبر پر رہیں۔ 58 کلو گرام کیٹگری میں لاہور کی فوزیہ پروین اول رہیں۔ فیصل آباد کی صدیمہ دوسرے جبکہ سرگودھا کی ثناء اقبال اور ملتان کی صبا تیسرے نمبر پر رہیں۔