اسلام آباد(اے پی پی)  لیجنڈری پاکستانی فاسٹ بائولر وسیم اکرم نے کہا ہے کہ روایتی حریف بھارت اور بنگلہ دیش کے خلاف میچوں میں شاندار فتوحات کے بعد کھلاڑیوں کے حوصلے بلند ہیں، ایشیا کپ ٹائٹل کے دفاع کیلئے بلے بازوں کو سری لنکن سپنرز کو اچھی طرح کھیلنا ہو گا۔ پاکستانی ٹیم ایشیا کپ میں بہترین کمبی نیشن کے ساتھ کھیل رہی ہے۔  قومی بلے بازوں کو چاہیے کہ وہ مینڈس کی بائولنگ کی وڈیوز دیکھیں اس سے انہیں ان کی انگلیوں کی حرکت اور باڈی لینگویج کے بارے میں معلوم ہو گا اور وہ انہیں بہتر طریقے سے کھیل سکیں گے۔ احمد شہزاد، شاہد آفریدی، محمد حفیظ اور عمر اکمل کا فارم میں ہونا ٹیم کا پلس پوائنٹ ہے، سری لنکا کے خلاف فائنل میں کامیابی کیلئے ان کھلاڑیوں کو عمدہ کارکردگی کا مظاہرہ کرنا ہو گا۔اس وقت پوری ٹیم متحد دکھائی دے رہی ہے۔