اسلام آباد (نوائے وقت رپورٹ) بلیو ایریا اسلام آباد سے اغوا کئے گئے نوجوان ذیشان کو بازیاب کرا لیا گیا۔ نجی ٹی وی کے مطابق اسلام آباد سے اغوا نوجوان کو خودکش حملہ آور بننے کی ترغیب دی جا رہی تھی۔ مغوی نوجوان کو اسلام آباد سے 15روز بعد بازیاب کیا گیا۔ ذیشان نے بتایا  اغوا کرنے والے گروہ میں شامل تمام افغانی ہیں ان کے پاس پاکستانی شناختی کارڈ بھی ہیں۔ ملزموں نے جاسوس سمجھ کر اغوا کیا۔ چار ماہ سے ملزموں کے پاس کام کر رہا تھا۔ ملزموں سے کچھ لوگ ملنے آتے تھے تو کمرے میں جانے سے روک دیا جاتا تھا۔ بظاہر وہ منی لانڈرنگ کا کام کرتے تھے لیکن شاید ان کا اصل دھندا کچھ اور تھا۔ مجھے تشدد کا نشانہ بنایا گیا۔