ڈھاکہ (آئی این پی) پاکستان کرکٹ بورڈ کے چیئرمین نجم سیٹھی نے کہا ہے کہ کھیل میں سیاست نہیں اپنا مفاد دیکھنا چاہیے، تمام ممالک سے دو طرفہ سیریز کھیلیں گے، بھارت نہ کھیلا تو نقصان ہو گا، بگ تھری کے معاملے پر ہم اکیلے ہیں، بگ تھری پر ڈیل کرنے والوں کو بہت کچھ مل چکا ہے۔ وہ نجی ٹی وی سے گفتگو کر رہے تھے ۔ انہوں نے کہا کہ کھیل میں سیاست نہیں بلکہ اپنا مفاد دیکھنا چاہیے، سب نے بگ تھری ایشو پر ڈیل کر لی اور اس میں ڈیل کرنے والوں کو بہت کچھ ملا۔ نجم سیٹھی نے کہا کہ بگ تھری پر بنگلہ دیش کو تو سب کچھ مل بھی چکا ہے اور جنوبی افریقہ کو ورلڈ کپ کی میزبانی مل رہی ہے، بگ تھری کے معاملے پر 9 ٹیمیں ایک طرف اور ہم اکیلے ایک طرف ہیں، اب تمام ممالک سے دو طرفہ سیریز کھیلیں گے ، اگر بھارت یہ سیریز نہیں کھیلے گا تو نقصان ہو گا۔