لاہور(سپورٹس رپورٹر) نیشنل پولو چیمپئن شپ فار قائد اعظم گولڈ کپ ٹورنامنٹ میں مزید تین میچوں کا فیصلہ ہو گیا۔ کالونی/ نیوایچ، ماسٹر پینٹس/ ڈائمنڈ پینٹس اور آرمی کی ٹیموں نے اپنے اپنے میچز جیت لیے۔ کالونی/ نیو ایج کی ٹیم پوائنٹس ٹیبل پر سبقت حاصل کیے ہوئے ہے۔ تفصیلات کے مطابق لاہور پولو کلب میں جاری نیشنل چیمپئن شپ میں گذشتہ روز پہلا میچ ماسٹر پینٹس/ ڈائمنڈ پینٹس اور آرمی بلیو کی ٹیموں کے درمیان کھیلا گیا۔ جس میں ماسٹر پینٹس/ ڈائمنڈ پینٹس ٹیم نے 8 کے مقابلے 12 گول سے کامیابی اپنے نام کی۔ دوسرا میچ ماسٹر پینٹس/ ڈائمنڈ پینٹس اور کالونی/ نیو ایج کے درمیان کھیلا گیا جس میں کالونی/ نیو ایج ٹیم نے 7 کے مقابلے 9 گول سے کامیابی اپنے نام کی۔