لاہور(سپورٹس رپورٹر) ایف ایم سی پاکستان انٹرنیشنل سکواش سرکٹ ون ٹورنامنٹ کا پہلا راونڈ لاہور میں مکمل ہو گیا جبکہ کوارٹر فائنل میچز آجکھیلے جائیں گے۔ گذشتہ روز پہلے راونڈ میں ناصر اقبال نے صدام الحق کے خلاف کامیابی حاصل کی۔  محمد ثاقب یوسف نے منصور زمان کو  زیر کیا۔ طیب اسلم نے  علی مجتبٰی کو   ہرایا۔ دانش اطلس نے نوشیروان خان کے خلاف کامیابی حاصل کی۔  عامر اطلس خان اور عماد فرید کے درمیان کھیلا۔ عامر اطلس خان نے عماد فرید کوشکست سے دوچار کیا۔ فرحان محبوب نے رئیس خان کو ہرایا۔ ان کی فتح کا سکور 8-11 12-10, 11-9, 10-12, 11-7 رہا۔ ساتویں میچ میں خواجہ عادل مقبول نے بلال ذاکر کو 11-13, 11-7, 11-3, 6-11, 11-5 سکور سے ہرایا۔ ٹورنامنٹ کے چاروں کوارٹر فائنل آج بدھ کو کھیلے جائیں گے۔