ملتان: قتل کے ملزم گرفتار نہ ہونے پر بہن ، بھائی کی خود سوزی کی کوشش
ملتان(آن لائن)ملتان کے نواحی علاقے دنیا پور میں باپ کے قتل کے ملزمان کی عدم گرفتاری پر بہن اور بھائی نے خود پرپٹرول چھڑک کر آگ لگانے کی کوشش کی۔دونوں کو پولیس نے تحویل میں لیکر نشتر ہسپتال منتقل کردیاہے۔ملتان کے نواحی علاقے دنیا پور میں آٹھ ماہ قبل زمین کے تنازع پر مخالفین نے ایک شخص کو قتل کردیا تھا۔جس کا مقدمہ چارافرادکے خلاف تھانہ دنیا پور میں درج کیا گیا۔لیکن آٹھ ماہ تک کوئی پیش رفت نہ ہونے اورمبینہ طورپر ملزمان کی حمایت پراہلخانہ نے چوک کچہری پر احتجاج کیا اس دوران جنت بی بی اوررمضان نے خود پر پٹرول چھڑک کر خود سوزی کی کوشش کی۔ ریسکیواورپولیس نے دونوں افرادکو اس انتہائی قدم سے روکا اورفوری طورپر نشترہسپتال منتقل کیاگیا۔آرپی اوملتان امین وینس نے میڈ یا کو بتایا کہ تھانا صدر دنیا پورمیں درج مقدمے کے ملزمان کوجلد گرفتار کرلیا جائیگا۔مقدمہ میں جانبداری کرنے والے پولیس اہلکاروں کے خلاف سخت کارروائی کی جائے گی۔
