پیرمحل (نامہ نگار) سکاٹ لینڈ سے آیا 3 فٹ کا دولہا  5 فٹ کی دلہن بیاہ لے گیا۔ اسکاٹ لینڈ سے آنے والے22 سالہ عبدالرحمان جس کا قد 3 فٹ ہے کی شادی اس کی ہم عمر ارم خالق جو اس سے قد میں صرف دو فٹ بڑی ہے سے ہو گئی شادی کی تقریب مقامی ہوٹل میں منعقد کی گئی شادی کی تقریب میں دلہا اور دلہن کی طرف  سے بڑی تعداد میں مہمانوں نے شرکت کی جن کی مختلف قسم کے کھانوں سے خاطر مدارت کی گئی تو مہمانوں نے بھی خوب دلہا دلہن کو تحفوں سے نوازا۔ اسکاٹ لینڈ سے آنے والے دولہے میاں نے بتایا اس کو اردو زبان نہیں آتی لیکن وہ اس شادی سے بہت خوش ہے اس کی شادی نارمل قد کی جیون ساتھی سے ہو ئی ہے جبکہ دلہن نے بتایا عبدالرحمان کے ساتھ شادی سے بہت خوش ہے اور جوڑیاں آسمانوں پر بنتی ہے اور ہماری شادی مکمل طور پر ارینج میرج ہے  اور ہمارے خاندان بھی اس شادی کو لے کر بہت خوش ہیں جبکہ اس موقع پر صورت حال اس وقت مزید دلچسپ  ہو گئی جب دلہے میاں اپنی دلہن کو لے کر جانے لگے تھے  تو ہوٹل میں کام کرنے والا ایک ملازم جو دولہے میاں کا ہم نام ہونے کے ساتھ قد میں بھی دولہے میاں جتنا ہے نے آکر میاں بیوی کوسلوٹ پیش کیا اور دعائوں کے ساتھ بارات کو رخصت کیا۔ ہوٹل میں کام کرنے والے عبدالرحمان نے بتایا آج اسکاٹ لینڈ سے آنے والے میرے جیسے شخص کی شادی ہو گئی ہے اور جلد ہی مجھے بھی ایسی ہی پیاری سے دلہن مل جائے گی  دلہا دلہن کے آبائو اجداد کا تعلق نواحی گائوں 330گ ب سے ہے۔