ایبٹ آباد ‘ برفانی تودہ گرنے سے مری اور نتھیا گلی کے درمیان ٹریفک معطل
ایبٹ آباد (آئی این پی) ایبٹ آباد کے علاقے گلیات میں توحید آباد کے مقام پر برفانی تودہ گرنے کے باعث مری اور نتھیا گلی کے درمیان ٹریفک معطل ہونے سے دونوں طرف درجنوں گاڑیوں میں موجود سینکڑوں مسافر پھنس کر رہ گئے، ریسکیو اداروں نے سڑک سے برف ہٹانے کا کام شروع کر دیا۔ ہفتہ کو ریسکیو حکام کے مطابق توحید آباد کے مقام پر بھاری برفانی تودہ آ گرا تھا۔
