حیدر آباد ٹائون (آن لائن) عوامی مسلم لیگ کے سربراہ رکن قومی اسمبلی شیخ رشید احمد نے کہا ہے کہ جس حکیم کی وجہ سے طبیعت خراب ہوئی اب اسی حکیم سے حالات بہتر کرنے کی پھکی لی جا رہی ہے۔ انہوں نے سرگودھا کے ایک وفد سے بات چیت کرتے ہوئے کہا کہ سال 2014ء نواز شریف کی سیاسی زندگی کا ایک اہم سال ہے، ہمیں ملک و قوم کی بہتری کیلئے اپنا مثبت کردار ادا کرتے ہوئے بہتری کی طرف توجہ دینی چاہیے۔ انہوں نے کہاکہ ڈالر کی قیمت اور میرے استعفیٰ کے بارے میں جو لوگ آئے روز باتیں کر رہے ہیں انہیں چاہیے کہ وہ قوم کو یہ بھی بتائیں کہ یہ ڈالر کہاں سے آ رہے ہیں۔