اسلام آباد (آن لائن) مہاجر قومی موومنٹ پاکستان نے وزیراعظم نوازشریف سے مطالبہ کیا ہے کہ برطانوی حکومت کی طرف سے عمران فاروق کے قتل کے حوالے سے مشتبہ  دو پاکستانیوں کو سکاٹ لینڈ کے حوالے کیا جائے  تاکہ عمران فاروق سمیت ہزاروں مہاجروں کے اصل قاتل الطاف حسین کا چہرہ بے نقاب ہو۔ مہاجر قومی موومنٹ کے وائس چیئرمین شمشاد خان غوری نے کہا ڈاکٹر عمران فاروق کو جس بیدردی کے ساتھ قتل کیا گیا  اس  میں الطاف حسین براہ راست شامل ہیں۔