گرو زنی  (آن لائن)  روس کے اسلامی شدت پسندوں کی ویب سائٹ کے مطابق چیچن   شدت پسندوںکے رہنما ڈکو عماروف کی موت واقع ہو گئی ہے تاہم یہ واضح نہیں کہ وہ طبعی موت مرے یا ہلاک کر دیئے گئے۔کیو کاز سینٹر ویب سائٹ پر دیئے گئے پیغام میں کہا گیا ہے کہ کوہِ قاف امارات کے امیر ’شہید‘ ہو گئے لیکن ویب سائٹ نے اس کے علاوہ مزید وضاحت نہیں دی اور روسی حکام نے بھی سرکاری سطح پر اس کی تصدیق نہیں کی۔ڈکو عماروف کے گروپ نے ماضی میں روس میں ہونے والے کئی خوفناک حملوں کی ذمہ داری قبول کی ہے۔