لاہور (سپیشل رپورٹر) ہوم ڈیپارٹمنٹ پنجاب نے ایک جیل کے سپرنٹنڈنٹ کو جیل سے موبائل برآمد ہونے پر معطل کرتے ہوئے 6 جیلوں کے سپرنٹنڈنٹ کے تبادلوں کے احکامات جاری کئے ہیں۔ نوٹیفکیشن کے مطابق ثاقب ندیم سپرنٹنڈنٹ جیل جھنگ، یعقوب جوہرہ ڈپٹی سپرنٹنڈنٹ کو معطل کر دیا گیا ہے۔ الیاس احمد سپرنٹنڈنٹ جیل جہلم کو تبدیل کر کے جھنگ میں سپرنٹنڈنٹ جیل تعینات کیا گیا ہے۔ حاجی مظہر ڈپٹی سپرنٹنڈنٹ کوٹ لکھپت جیل کو تبدیل کر کے سپرنٹنڈنٹ جہلم جیل تعینات کیا گیا ہے۔ میاں زاہد ڈپٹی سپرنٹنڈنٹ کو فیصل آباد جیل سے تبدیل کر کے ڈپٹی سپرنٹنڈنٹ کوٹ لکھپت جیل تعینات کیا گیا ہے۔ گلزار احمد بٹ سپرنٹنڈنٹ جیل ساہیوال کو ہائی سکیورٹی جیل ساہیوال کا اضافی چارج دے دیا گیا ہے۔