حافظ آباد+ فیصل آباد+ اوکاڑہ+ شورکوٹ (نمائندہ نوائے وقت+ نمائندہ خصوصی+ نامہ نگاران) حافظ آباد، فیصل آباد، اوکاڑہ اور شورکوٹ میں 4 خواتین، ایک لڑکی، ایک بچی کو زیادتی کا نشانہ بنا دیا گیا۔ تفصیلات کے مطابق حافظ آباد کے نواحی گاؤں کولو تارڑ میں شادی شدہ خاتون سے زیادتی، رشیدہ بی بی زوجہ محمد صدیق گھر میں اکیلی تھی اس دوران گڑھی غوث حافظ آباد کے رہائشی عدنان ولد محمد نواز نے گھر میں داخل ہو کر اُس سے زیادتی کی جس پر پولیس نے مقدمہ درج کر لیا۔ علاوہ ازیں فیصل آباد میں دو شادی شدہ خواتین سمیت تین لڑکیوں سے اغوا کے بعد مبینہ طور پر زیادتی کی گئی۔ تھانہ ڈجکوٹ کے علاقہ چک نمبر 263ر۔ب کے اللہ دتہ کی جواں سالہ شادی شدہ ہمشیرہ (س) کو ملزمان امیر وغیرہ چار افراد  نے، تھانہ بلوچنی کے علاقہ چک نمبر96 ر۔ب کے فریاد مسیح کی اہلیہ کو ملزمان نذیر وغیرہ، کھرڑیانوالہ کے علاقہ 194ر۔ب کے عارف کی 16سالہ بیٹی(س) کو ملزمان طارق نے مبینہ طور پر اغوا کے بعد زیادتی کا نشانہ بنا دیا۔ اوکاڑہ میں نو افراد گن پوائنٹ پر شادی شدہ خاتون کو اغواء کرکے لے گئے جہاں اسے پانچ ماہ زیادتی کا نشانہ بناتے رہے۔ شورکوٹ میں نواحی علاقہ موضع بھنگو کی رہائشی سمیرا زوجہ رمضان نے تھانہ شورکوٹ پولیس کو درخواست گزاری قسور نے میری بہن عمر 10/11سالہ سلمی کنول کو درندگی کا نشانہ بناتے ہوئے زیادتی کر ڈالی۔