مری میں لینڈ سلائیڈنگ، 34 دکانیں اور مکان تباہ، ٹریفک کا نظام درہم برہم
مری (این این آئی) مری کے معروف بازار دیول میں چونتیس دکانیں اور مکان لینڈ سلائیڈنگ کی زد میں آکر تباہ ہو گئے۔ شدید بارشوں اور کوہالہ برائیڈل روڈ پر نکاسی آب کا معقول انتظام نہ ہونے کے باعث مری کے معروف دیول بازار کی 34 سے زائد دکانیں اور متعدد رہائشی مکان اور ہوٹل لینڈ سلائیڈنگ کی زد میں آ کر تباہ ہو گئے جبکہ ٹریفک کا نظام بھی درہم برہم ہوگیا۔ متاثرہ دکانداروں نے تباہ حال ملبے سے اپنا مال اسباب سمیٹنا شروع کر دیا ہے۔
