کوئٹہ (این این آئی) لورالائی میں انسدادِ پولیو ٹیم پر نامعلوم افراد کی فائرنگ سے ایک پولیس اہلکار جاں بحق ہوگیا۔ ایک مقامی پولیس افسر شاہ محمد نے بتایا موٹر سائیکل پر سوار نامعلوم افراد نے لورالائی کے علاقے ناصرآباد میں پولیو ٹیم پر فائرنگ کر دی جس سے ان کی حفاظت پر مامور ایک پولیس اہلکار موقع پر مارا گیا اور مسلح افراد فرار ہونے میں کامیاب ہوگئے۔ یہ واقعہ اس وقت پیش آیا جب لورالائی بازار میں انسدادِ پولیو مہم جاری تھی۔ واقعہ کے بعد پولیس اور لیویز اہلکار موقع پر پہنچ گئے اور تفتیش کا عمل شروع کر دیا گیا جبکہ پولیس نے ملزموں کی گرفتاری کیلئے سرچ آپریشن شروع کر دیا اور علاقے میں خوف و ہراس پھیل گیا۔