لاہور، اسلام آباد، راولپنڈی میں بوندا باندی، موسم خوشگوار ہو گیا
اسلام آباد (ثناء نیوز) اسلام آباد سمیت راولپنڈی اور لاہور میں رم جھم اور بوندا باندی سے موسم خوشگوار ہو گیا۔ بڑھتے ہوئے درجہ حرارت نے ایک بار پھر خنک موسم کے سامنے گھٹنے ٹیک دئیے۔ساہیوال کے مختلف علاقوں میں بھی وقفے وقفے سے بوندا باندی کا سلسلہ جاری، ملک میں حالیہ بارشوں کی وجہ سے بالائی علاقے شدید سردی کی لپیٹ میں آ گئے ہیں۔
