گکھڑ منڈی(نامہ نگار) قومی کر کٹ ٹیم کے آل راو¿نڈر رانا نویدالحسن نے میاں شریف میموریل کرکٹ ٹورنامنٹ کے میچ کے بعد میڈیا سے گفتگو کر تے ہوئے کہا کہ پاکستان کر کٹ ٹیم متوازن ہے انشااللہ ٹی 20ورلڈکپ ہم ہی جیتیں گے۔ پاکستانی ٹیم کسی بھی ٹیم کو ہرانے کی صلاحیت رکھتی ہے انڈیا کے خلاف ہارنا حد سے بڑھ کر اعتماد تھا۔ اگر فائنل انڈیا کے ساتھ ہو ا تو پاکستان ہی کا میاب ہو گا۔ پاکستان کرکٹ ٹیم کسی بھی وقت کچھ بھی کر سکتی ہے پاکستان کی ٹیم مضبوط ہے اور کھلاڑیوں کے حوصلے بلند ہیں قوم دعا کرے کہ ہم ایک مرتبہ پھر ورلڈ چیمپئن بنیں۔ پاکستان کا جھنڈا پھر پوری دنیا میں بلند ہو پاکستانی ٹیم بہت باصلاحیت ٹیم ہے آنےو الے میچوں میں سہیل تنویر کو بھی کھلایا جانا چاہئے، وہ اچھا باو¿لر ہے پاکستان کی ٹیم اپنے آئندہ میچوں میں بہتر حکمت کے ساتھ میدان میں اترے گی اور کامیابی حاصل کرے گی۔ پاکستان کے عوام کرکٹ سے بے حد محبت کرتے ہیں اور پاکستان میں بے پناہ ٹیلنٹ ہے۔