چترال :جیپ گہری کھائی میں جا گری 5 افراد جاں بحق ، 4شدید زخمی
چترال (آئی این پی) چترال میں رائین کے قریب تیز رفتار جیپ بے قابو ہو کر گہری کھائی میں جا گری جس کے نتیجے میں 5 افراد جاں بحق جبکہ 4شدید زخمی ہو گئے، زخمیوں کو تشویشناک حالت میں قریبی ہسپتال منتقل کر دیا گیا۔ ہفتہ کو ریسکیو حکام کے مطابق چترال میں ملت سے رائین آنے والی تیز رفتار جیپ موڑ کاٹتے ہوئے بے قابو ہو کر گہری کھائی میں جا گری جس سے چار افراد موقع پر جاں بحق ہو گئے جبکہ چار شدید زخمی ہو گئے۔
