لندن(آن لائن) شہزادہ ولیم اور انکی اہلیہ کیٹ نے گزشتہ روز غیرمعمولی  فیملی فوٹو جاری کئے ہیں جن میں نوزائیدہ بچے کے پہلے غیرملکی دورے سے قبل اس جوڑے کو آٹھ ماہ کے بیٹے پرنس جارج کے ساتھ دکھایا گیا ہے۔ ڈیوک آف کیمبرج جو تخت شاہی کے وارث ہونے میں دوسرے نمبر پر ہیں، کی اپنی اہلیہ اور بیٹے کیساتھ تصویر اتاری گئی ہے جس میں انہیں لندن میں کینسٹن پیلس کے اپنے اپارٹمنٹ کی کھڑکی سے باہر دیکھتے ہوئے دکھایا گیا ہے ۔ 32 سالہ مسکراتی ہوئی ڈچز نے جارج کو اپنے گھٹنے پر اٹھا رکھا ہے جبکہ نومولود نے اپنی توجہ اپنے خاندانی پالتو کتے لپو کی طرف مبذول کررکھی ہے جو کہ ہسپانوی نسل کا ایک سیاہ رنگ کا ایک پالتو کتا ہے جسے ڈیوک کی گود میں بیٹھے ہوئے دکھایا گیا ہے۔